ಜಾತ್ರೆ
ಕೂಡಲ ಸಂಗಮ ಅಭಿವೃದ್ಧಿ ಮಂಡಳಿ
ಶ್ರೀ ಕೂಡಲಸಂಗಮೇಶ್ವರ ಜಾತ್ರಾ ಕಾರ್ಯಕ್ರಮಗಳು
ಪ್ರತಿವರ್ಷ ಚೈತ್ರಮಾಸ ಬಹುಳ ಪಂಚಮಿಯಂದು ಶ್ರೀ ಸಂಗಮೇಶ್ವರ ದೇವರ ಜಾತ್ರೆಯನ್ನು ವಿಜೃಂಭಣೆಯಿಂದ ನೆರವೇರಿಸಲ್ಪಡುತ್ತದೆ. ಜಾತ್ರೆಯ ಅಂಗವಾಗಿ ಹಿಂದಿನ ಒಂಭತ್ತು ದಿನಗಳ ಪರ್ಯಂತ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗುತ್ತವೆ. ಜಾತ್ರೆಯ ದಿನದಂದು ಸಂಜೆ 6-00 ಗಂಟೆಗೆ ರಥೋತ್ಸವು, ಬಂಗಾರದ ಕಳಸದ ಮೆರವಣಿಗೆ, ಪಲ್ಲಕ್ಕಿ ಉತ್ಸವ, ಭಜನೆ ಇತ್ಯಾದಿಗಳನ್ನು ವೈಭವೋಪೇತವಾಗಿ ಆಚರಿಸಲಾಗುತ್ತದೆ. ಲಕ್ಷಾಂತರ ಜನ ಶೃದ್ಧಾಳು ಭಕ್ತರು ಕೃಷ್ಣಾ ಹಾಗೂ ಮಲಪ್ರಭಾ ನದಿಗಳ ತೀರ್ಥಕ್ಷೇತ್ರದಲ್ಲಿ ಪುಣ್ಯಸ್ನಾನ ಮಾಡಿ ಪುನೀತರಾಗುತ್ತಾರೆ. ಈ ಸಂದರ್ಭದಲ್ಲಿ. ಕರ್ನಾಟಕ, ಮಹಾರಾಷ್ಟ್ರ, ಆಂದ್ರಪ್ರದೇಶ, ತಮಿಳುನಾಡುಗಳಿಂದ ಪ್ರವಾಸಿಗರು ಈ ಕ್ಷೇತ್ರಕ್ಕೆ ಭೇಟಿ ನೀಡುತ್ತಾರೆ. ಶ್ರೀ ಕೂಡಲಸಂಗಮೇಶ್ವರ ರಥೋತ್ಸವವು ವಿಜೃಂಭನೆಯಿಂದ ಆಚರಿಸುವ ಸಲುವಾಗಿ ಆದಿ ಆನಾದಿ ಕಾಲದಿಂದಲೂ ಸುತ್ತಮುತ್ತಲಿನ ಗ್ರಾಮಸ್ಥರೆಲ್ಲರೂ ಸೇರಿ ಈ ಜಾತ್ರೆಯನ್ನು ಮಾಡುವ ಬಹಳ ವಿಶೇಷ. ಕಾರಣ ವಿಶೇಷವಾಗಿ ಸದರಿ ಜಾತ್ರಾ ಸೇವೆಯನ್ನು ಮಾಡುವವರು ಆಯಾ ಗ್ರಾಮದ ಪ್ರಮುಖ ಮನೆತನದವರು ಅವರನ್ನು ಬಾಬುದವರೆಂದು ಕರೆಯುತ್ತಾರೆ. ಮೊದಲಿಗೆ ಶ್ರೀ ಸಂಗಮೇಶ್ವರ ರಥದ ಬಂಗಾರದ ಕಳಸವು ಬಾಗಲಕೋಟ ಜಿಲ್ಲಾ ಖಜಾನೆಯ ಸುಪರ್ದಿಯಲ್ಲಿರುತ್ತದೆ. ಅದನ್ನು ಕೂಡಲಸಂಗಮ ಗ್ರಾಮದ ಬಾಬುದಾರರು ಹಾಗೂ ಮಾರ್ಗದಲ್ಲಿ ಬರುವ ಎಲ್ಲ ಗ್ರಾಮಗಳ ಭಕ್ತಾಧಿಗಳು ಪಾದಯಾತ್ರೆ ಮುಖಾಂತರ ಬಂದು ರಥೋತ್ಸವದ ನಂತರ ಮರಳಿ ನೀಡುವುದು ಇವರ ಜವಾಬ್ದಾರಿ ಇರುತ್ತದೆ. ಶ್ರೀ ಸಂಗಮೇಶ್ವರ ದೇವಸ್ಥಾನಕ್ಕೆ ಭಕ್ತರು ದೇಣೀಗೆ ಮೂಲಕ ನೀಡಿದ ಬಂಗಾರವನ್ನು ಬಳಸಿ 2024-25ರಲ್ಲಿ ಸದರಿ ಕಳಸಕ್ಕೆ ಬಂಗಾರವನ್ನು ಲೇಪನ ಮಾಡಲಾಗಿದೆ. ಬೆಳಗಲ್ ಗ್ರಾಮದಿಂದ ರಥದ ಹಗ್ಗವನ್ನು ತರುತ್ತಾರೆ. ಇದ್ದಲಗಿ ಗ್ರಾಮದಿಂದ ಹಿಲಾಲ(ಪಂಜು) ಮತ್ತು ಗಂಜಿಹಾಳ ಗ್ರಾಮದಿಂದ ತಳಿರು ಬಾಳೆಕಂಬದ ತೋರಣ ತರುತ್ತಾರೆ. ಈ ಎಲ್ಲ ಬಾಬದªರು 4-00 ಗಂಟೆಯೊಳಗಾಗಿ ರಥಕ್ಕೆ ಬಂಗಾರದ ಕಳಸ, ಹಗ್ಗ ಹಾಗೂ ಬಾಳೆಕಂಬ, ತಳಿಲು ತೋರಣ ಇತ್ಯಾದಿಗಳನ್ನು ಭಕ್ತಿಭಾವದಿಂದ ಮೆರವಣಿಗೆ ಮೂಲಕ ತಂದು ಶ್ರೀ ಸಂಗಮೇಶ್ವರ ರಥಕ್ಕೆ ಶೃಂಗಾರ ಮಾಡಿದ ನಂತರವೇ ರಥವನ್ನು ಎಳೆಯಲಾಗುವುದು. ಇದಲ್ಲದೆ ಜಾತ್ರಾ ಅಂಗವಾಗಿ ಈ ಕೆಳಗಿನ ಸಾಂಸ್ಕøತಿಕ ಮತ್ತು ಧಾರ್ಮಿಕ ಕಾರ್ಯಕ್ರಮಗಳು ಜರುಗುತ್ತವೆ.
ವರ್ಷಕ್ಕಿಂತ ವಿಭಿನ್ನವಾಗಿ ಹೆಚ್ಚುವರಿ ಕಾರ್ಯಕ್ರಮಗಳನ್ನು ಜರುಗಿಸಲಾಯಿತು ಅವುಗಳೆಂದರೆ ಶ್ರೀ ಸಂಗಮೆಶ್ವರ ರಥಕ್ಕೆ ಮತ್ತು ದೇವಸ್ಥಾನಕ್ಕೆ ಹೆಲಿಕಾಪ್ಟರ ನಿಂದ ಪುಷ್ಪವೃಷ್ಠಿ ಮಾಡಿಸಲಾಯಿತು. ಹಾಗೂ ರಂಗೋಲಿ ಸ್ಪರ್ಧೆ, ವಚನ ಗಾಯನ ಸ್ಪರ್ಧೆ , ವಸ್ತು ಪ್ರದರ್ಶನ ಮಳಿಗೆಗಳು ಹಾಗೂ ಜಾನುವಾರ ಜಾತ್ರೆಯನ್ನು ಅತ್ಯಂತ ಯಶಸ್ವಿಯಾಗಿ ನೆರೆವೇರಿಸಲಾಗುವುದು.
ತಮಗೆ ಸ್ವಾಗತ ಕೋರುವವರು
ಆಯುಕ್ತರು
ಕೂಡಲಸಂಗಮ
ಅಭಿವೃದ್ಧಿ ಮಂಡಳಿ
ಕೂಡಲಸಂಗಮ
ಆಯುಕ್ತರು
ಪುಪು & ಭೂಸ್ವಾಧೀನ
ಹಾಗೂ ಸರ್ಕಾರದ ಪದನಿಮಿತ್ತ ಕಾರ್ಯದರ್ಶಿಗಳು, ಕಂದಾಯ ಇಲಾಖೆ ಹಾಗೂ
ವಿಶೇಷಾಧಿಕಾರಿಗಳು, ಕೂಡಲಸಂಗಮ ಅಭಿವೃದ್ಧಿ ಮಂಡಳಿ, ಬೆಂಗಳೂರು